..*..*..* قصـيــدة اليـبــرق ..؟؟‎ *..*..*..

..*..*..*..*..*..*..
~~*~~**~~*~~

يبرق مع العصاعيص يا حبي
تحتك دهن شرحــــات متخبي

~~*~~**~~*~~

والتوم نيفا انسـاب واتسوسح
والريحة آاخ , ولي على قلبي

~~*~~**~~*~~

والزفرة عم تلمع على خــدودك
اي أبوس روحك قولــة الحلبي

~~*~~**~~*~~

والمرقة عم تنضح بحامضهــا
وعم ينقف الهبّال على عصبي

~~*~~**~~*~~

وكم يبرقاية اتفزرّت واتسقسقت
وانبحتت الرزات على دربــــي

~~*~~**~~*~~

يا يبرق الأحرار كرمــــالـك أنا
بفخر بكوني مواطنٌ عربــــي

~~*~~**~~*~~

جاية عبالي قول : أنــا بحبك
بكل اللغات الشرقي والغربي

~~*~~**~~*~~

يلله استوي وحققلي أحلامي
قد ساف قلبي في لظى اللهبِ

~~*~~**~~*~~

لقد استوى يافرحتي وسـعدي
ياعمري يا أنسي وَ يـاطربي

~~*~~**~~*~~

هاتـــواالخبز والطنـجرة كلهــــا
وبعدولي مـا بدي حدا جنبي

~~*~~**~~*~~

لا خيِّ لاأختي لا جدي لا ســـــتي
لا عمي لا عمتي لك لا أمي لا أبي

~~*~~**~~*~~

عم أمضغ العصعوص واليبرق سوا
شو هالنعيم هــــادا يــــاربـــي

~~*~~**~~*~~

اذا رحـــت فيهــــا بـــــعـــد هالأكلة
ذنبـك يـَأمي هـادا ....... مـو ذنـبـي

~~*~~**~~*~~
..*..*..*..*..*..*..